Hakan Fidan Suriyaya səfər edib

Türkiyənin xarici işlər naziri Hakan Fidan Suriyaya səfər edib.

News365.az xəbər verir ki, bu barədə "TRT Haber" məlumat yayıb.

Məlumata görə, H. Fidanın səfər çərçivəsində Suriya xarici işlər naziri Əsəd əş-Şeybanini ilə görüşü və Prezident Əhməd əş-Şəraa tərəfindən qəbul edilməsi gözlənilir.

Görüşlərdə əsas diqqət Xalq Müdafiə Dəstələri (YPG) və Suriya Demokratik Qüvvələrinin (SDG) özünü buraxması, eləcə də Suriya dövlət strukturlarına inteqrasiyası prosesinə yönələcək.

Tərəflər həmçinin Suriyanın cənubundakı vəziyyəti, İsrailin hücumlarını, ölkənin ərazi bütövlüyü və suverenliyinin qorunmasını müzakirə edəcəklər.

Danışıqlarda ticarət, enerji və nəqliyyat sahələrində əməkdaşlığın genişləndirilməsi, həmçinin Suriyanın iqtisadi bərpasına və regional bağlantılarının yenidən qurulmasına dəstək məsələləri də gündəmdə olacaq.