Göygöl rayonunda ağır qəza: 3 yaralı var - FOTO

Göygöl rayonunda xəsarətlə nəticələnən yol-nəqliyyat hadisəsi qeydə alınıb.

Hadisə Gəncə-Şəmkir magistral yolunun Göygöl rayonundan keçən hissəsində, Quşqara kəndində baş verib. Hərəkətdə olan "BMW" markalı avtomobilin sürücüsünün idarəetməni itirməsi nəticəsində maşın yoldan çıxaraq maneəyə çırpılıb və aşıb.
 

Qəza zamanı sürücü, 2000-ci il təvəllüdlü Məhərrəm Bəyalıyev, avtomobildə olan 2005-ci il təvəllüdlü xanım sərnişin və daha bir nəfər müxtəlif dərəcəli xəsarətlər alıblar.

Yaralılar Gəncədə yerləşən xəstəxanalardan birinə yerləşdiriliblər. Onlara ilkin tibbi yardım göstərilib, vəziyyətləri kafidir.

Faktla bağlı araşdırma başlanılıb.