Brauzer keş nədir?

İnternetdən istifadə zamanı brauzerlər (Chrome, Safari, Firefox və s.) bəzi məlumatları yaddaşda saxlayır. Bu proses “keş (cache)” adlanır və əsas məqsəd saytların daha sürətli açılmasını təmin etməkdir.

News365.az xəbər verir ki, Google-ın məlumatına görə, cache faylları saytların şəkillərini, skriptlərini və digər elementlərini müvəqqəti olaraq cihazda saxlayır. Bu isə eyni sayta növbəti dəfə daxil olarkən yüklənmə sürətini artırır.

Apple bildirir ki, cache bəzən köhnəlmiş və ya səhv məlumatların qalmasına səbəb ola bilər. Bu halda saytlar düzgün açılmaya və ya texniki problemlər yarana bilər.

Texnologiya platforması Mozilla qeyd edir ki, cache və cookies birlikdə istifadəçinin baxış təcrübəsini yaxşılaşdırır, lakin çox yığılarsa cihazda əlavə yaddaş tutmağa başlayır.

Mütəxəssislərə görə, cache-in silinməsi məcburi deyil, amma müəyyən hallarda faydalı ola bilər. Məsələn:

saytlar düzgün açılmadıqda

brauzer yavaşladıqda

yaddaş dolduqda

Cache silindikdə saytlar birinci dəfə açılan kimi bir az daha yavaş yüklənə bilər, lakin sonradan yenidən sürət normallaşır.

Ümumilikdə, cache istifadəçi təcrübəsini yaxşılaşdıran texniki yaddaşdır və onu tamamilə söndürmək deyil, ehtiyac olduqda təmizləmək tövsiyə olunur.