Borçalının ağası KİMDİR?- Tanınmış ziyalıdan ETİRAZ

“Borçalı Cəmiyyəti...Borçalı İB... Bir zamanlar mətbuatın gündəmindən düşməyən ictimai qurumu darmadağın etdilər. Nəyi bölə bilmirdilər, məlum olmadı. Hamı özünü Borçalının ağası hesab edirdi. Son məlumatım belə idi ki, qurumun möhürü oğurlanıb və Cəmiyyətin fəaliyyəti faktiki dayandırılıb.

Bunu News365.az -a tanınmış ziyalı, həkim Vaqif Qarayev deyib. O, bildirib ki, təsadüfən bir müzakirəyə rast gəldim:

“Bu adda Cəmiyyət hələ də varmış. Müzakirələrdə hörmətli Musa Nəbioğlu bəzi iradlarını bildirib. Amma onu təhqir ediblər. Musa müəllimi dürüst, elini-obasını sevən bir insan kimi tanıyıram. Borçalı haqqında yaxşı kitabların müəllifidir. Qarşı tərəfi tanımadığımdan heç nə deyə bilmərəm. Amma bu dava-qırğın nə üçündür?  Heç kim Borçalının ağası ola bilməz! Rritorika dəyişmir. İrad bildirənə söyüş-təhqirlə cavab verirlər. Ən yaxşısı, qurumun adını dəyişin, sonra bildiyinizi edin”.

News365.az