Bakıda bədbəxt hadisə: Nəhəng monitor qadının üstünə aşdı - VİDEO/ YENİLƏNDİ

20.09.2026-cı il tarixində saat 16:10 radələrində 1968-ci il təvəllüdlü şəxs (qadın) Kliniki Tibbi Mərkəzin Təcili tibbi yardım şöbəsinə hospitalizasiya olunub.

Bu barədə TƏBİB-dən bildirilib. 

Qeyd olunub ki, bədənin müxtəlif nahiyələrinin müştərək travmaları diaqnozu təyin edilən pasiyentə zəruri tibbi xidmətlər göstərilib. Sözügedən şəxs ailə üzvlərinin yazılı iltizamnaməsi əsasında 20.09.2026-cı il tarixində saat 18:20 radələrində özəl tibb müəssisəsinə təxliyə olunub.

Xatırladaq ki, Bakıda Məhəmməd Naxçıvani (6-cı Paralel) küçəsində keçirilən kütləvi tədbir zamanı təhlükəli hadisə baş vermişdi. İştirakçıların üzərinə iri LED ekran aşmış və hadisə nəticəsində bir qadın ağır xəsarət almışdı./// bakıvaxtı

***

Bakı şəhəri, Yasamal rayonu, Məhəmməd Naxçıvani küçəsində keçirilən tədbir zamanı monitor aşıb.

News365.az xəbər verir ki, bununla bağlı görüntülər sosial şəbəkələrdə yayılıb.

Hadisə nəticəsində bir qadının ciddi xəsarət aldığı bildirilib.