Ağalarovun obyektini yandıranları müdafiə etmişdi - İrəvanda saxlanıldı
Ermənistan hüquq-mühafizə orqanları terrorizmi təşviq etməkdə ittiham olunaraq beynəlxalq axtarışda olan rusiyalı riyaziyyatçı Mixail Verbitskini Zvartnots hava limanında saxlayıb.
Bu barədə gazeta.ru yazıb.
Həyat yoldaşının sözlərinə görə, vəkili ona Ermənistanda siyasi sığınacaq üçün müraciət etməyi tövsiyə edib.Onun həyat yoldaşı Yuliya Fridman Verbitskinin Rusiyanın axtarış siyahısında olduğu üçün Ermənistana girməyə cəhd edərkən sərhədçilər tərəfindən saxlanıldığını təsdiqləyib. Daha sonra Verbitski polis bölməsinə aparılıb. Fridmanın sözlərinə görə, həyat yoldaşı “Krokus” Ticarət Mərkəzindəki terror aktının istintaq metodlarını şübhə altına aldığı üçün ona cinayət işi açılıb.
Ermənistan polisi "İzvestiya" qəzetinə Verbitskinin saxlanılmasını təsdiqləyib. Bildirilib ki, o, əvvəlcə "Zvartnots" hava limanındakı nəzarət kamerasına yerləşdirilib.
Mixail Verbitski Moskva Dövlət Universitetinin Mexanika və Riyaziyyat fakültəsinin məzunudur. O, Harvard Universitetində aspirantura təhsilini riyaziyyat üzrə doktorluq dərəcəsi ilə başa vurub. İllər ərzində o, Prinstondakı Qabaqcıl Tədqiqatlar İnstitutu, Əlixanov adına Nəzəri və Eksperimental Fizika İnstitutu, Qlazqo Universiteti və Tokio Universiteti ilə əməkdaşlıq edib. 2010-cu ildən bəri Ali İqtisadiyyat Məktəbinin Riyaziyyat kafedrasında dərs deyib.
Verbitski cinayət təqibindən qorxaraq Rusiyadan mühacirət edib. Ukrayna müharibəsi başlayanda Verbitski hərbi əməliyyatları tənqid edib. Üstəlik, o, birbaşa Rusiyaya qarşı raket zərbələri endirilməsinə çağırış edib. O, həmçinin 2024-cü ilin mart ayında “Krokus”da baş verən terror aktı ilə bağlı rəsmi istintaqa şübhə ilə yanaşdı. O, saxlanılan Tacikistan vətəndaşlarının cinayətdə iştirak etmədiyinə və etiraflarının işgəncə altında verdiklərini iddia edib.
2024-cü ilin noyabr ayında Verbitskiyə qarşı "Terror fəaliyyətinə açıq çağırışlar" maddəsi ilə cinayət işi açılıb. İki ay sonra o, beynəlxalq axtarışa verilib və adı ekstremistlər və terrorçular siyahısına əlavə edilib. 2025-ci ilin fevral ayında riyaziyyatçı qiyabi həbs edilib.
