Bakıda qadını qayınatası yox, əri bıçaqlayıb - YENİLƏNDİ

Hadisə

15:13

Bakının Sabunçu rayonunda qadını bıçaqlayan şəxsin kimliyi məlum olub.

News365.az xəbər verir ki, Sabunçu rayonu ərazisində 1997-ci il təvəllüdlü D.Əsgərovaya kəsici-deşici alətlə xəsarət yetirilməsi barədə polisə məlumat daxil olub.

Əməli törətməkdə şübhəli bilinən, əri 1990-cı il təvəllüdlü N.Əsgərov polis əməkdaşları tərəfindən müəyyən olunaraq saxlanılıb.

Faktla bağlı araşdırma aparılır.

Qeyd edək ki, ilkin məlumatda qadını qayınatasının bıçaqladığı iddia olunurdu.

***

Sabunçu rayonunda boşanmaq istəyən gəlin bıçaq xəsarətləri ilə xəstəxanaya yerləşdirilib.

News365.az xəbər verir ki, hadisə Qanbay Vəzirov küçəsində baş verib.

1997-ci il təvəllüdlü Əsgərova D. qayınanası və qayınatası ilə mübahisə zamanı bıçaqlanıb. Yaralı çoxsaylı bıçaq xəsarətləri alıb. O, ağır vəziyyətdə Sabunçu Tibb Mərkəzinə yerləşdirilib.

Yaralının yaxınlarının verdiyi məlumata görə, qadın həyat yoldaşından boşanmaq istəyib. Bu istəyini bilən qayınanası əvvəlcə onu döyüb, qayınatası isə bıçaqlayıb.