Sabah sınaq imtahanı KEÇİRİLƏCƏK

İnformatika fənni üzrə Respublika Fənn Olimpiadasının yarımfinal turunda iştirak edəcək şagirdlər üçün sınaq imtahanı keçiriləcək.

Bu barədəNews365.az-a Təhsil İnstitutundan məlumat verilib. İmtahan Beynəlxalq İnformatika Olimpiadasının (IOI) və İnformatika üzrə Respublika Fənn Olimpiadalarının qaydalarına əsasən keçirilir və iştirakçılara C++ və Python dillərindən istifadə etməklə həll üçün tapşırıqlar təklif olunacaq. Tapşırıqlar iştirakçıların alqoritmik təfəkkürünü, problem həlletmə bacarıqlarını və proqramlaşdırma qabiliyyətini yoxlayır.

Sınaq imtahanı ötən tədris ilinin yarımfinal turunun sualları əsasında təşkil olunacaq.

İmtahan 9 fevral tarixində saat 10:00-da keçiriləcək.