Yük maşınını oğurlayıb onlarla avtomobili əzdi - VİDEO
ABŞ-də bir kişi yük maşını oğurlayaraq polisdən qaçmaq istəyərkən avtomobili bir neçə maşına çırpıb. Təqibin videosunu CBS telekanalı yayıb.
Gündəmə çevrilən insidentlə bağlı danışan müxbirlərin məlumatına görə, hadisə Los-Anceles dairəsinin cənubundakı Lonq-Biç şəhərində baş verib. Oğurlanmış yük maşını təqib zamanı 13 avtomobillə toqquşub.
"Polisdən qaçarkən yük maşını bəzi yerlərdə 160 km/saata qədər sürətlənib. Sürücü sonda boya mağazasının girişində pilləkənlərə çırpılaran maşından düşüb və qaçmağa çalışıb. Bir neçə dəqiqədən sonra polis cinayətkarı saxlayıb",- nəşr yazıb.
Yerli televiziya kanalı KTLA hadisəni son zamanların ən təhlükəli və dağıdıcı polis təqiblərindən biri adlandırıb. Maşınlardan başqa, cinayətkarın özü də daxil olmaqla bir neçə nəfər xəsarət alıb.
Tural
