Fərqli fikirlərdən qorxu - "Allodoxaphobia"

Psixologiyada maraqlı və bir qədər az rast gəlinən fobiyalardan biri də "Allodoxaphobia" adlanır. Bu termin yunan mənşəli sözlərdən ibarətdir: "allo" – "fərqli", "dox" – "fikir" mənasını verir. Yəni "Allodoxaphobia" fərqli fikirlərdən qorxmaq anlamına gəlir.

Bu fobiya müxtəlif səbəblərdən inkişaf edə bilər. Əsas amillər arasında keçmişdə yaşanmış travmatik hadisələr, müəllimlər, baxıcılar və valideynlərin davamlı tənqidi, eləcə də psixoloji istismar yer alır. Allodoxaphobia-dan əziyyət çəkən insanlar digər insanların fikirlərini dinləməkdən çəkinir, bu vəziyyət isə fiziki və emosional narahatlıqlarla müşayiət olunur.

"Allodoxaphobia"nın simptomları:

✅ Hər hansı bir rəyə qarşı qəzəblənmək (istər müsbət, istərsə də mənfi);
✅ Ürək döyüntüsünün sürətlənməsi, tez-tez və səthi nəfəsalma;
✅ "Qaç və ya mübarizə" reaksiyası;
✅ Ürəkbulanma, özünü narahat hiss etmək;
✅ Əllərin tərləməsi;
✅ İnsanlara və onların fikirlərinə güvənməmək;
✅ Özünə hörmətin aşağı olması.

Bunun tam əksi olan bir fobiya da mövcuddur – "Doxophobia". Bu fobiyadan əziyyət çəkən insanlar isə tam əksinə, öz fikrini ifadə etməkdən qorxurlar.

Psixoloji problemlər fərdlərin sosial həyatına ciddi təsir göstərə bilər. Mütəxəssislər bu cür fobiyaların terapiya və psixoloji dəstək vasitəsilə aradan qaldırıla biləcəyini bildirirlər.