Tunellərdəki faciəvi vəziyyət qəsdən törədilir- İDDİA

Azərbaycan daha bir möhtəşəm tədbirə ev sahibliyi etməyə hazırlaşır. Məlumdur ki, noyabrın 11-də Bakıda COP29 tədbiri start götürəcək. Bu tədbirə çox böyük maraq var. Gözlənilir ki, tədbirə 50-dən artıq dövlət və hökümət başçısı qatılacaq. Bundan əlavə tədbirin keçiriləcəyi 10 gün müddətində Azərbaycana 50- mindən artıq qonağın gələcəyi proqnozlaşdırılır.  Artıq 28 mindən çox iştirakçı COP29 konfransında iştirak üçün qeydiyyatdan keçib. Onlardan 2700-ə yaxını media nümayəndəsidir. Digərləri QHT-lər, müxtəlif müşahidəçi beynəlxalq təşkilatların təmsilçiləri və digər qonaqlardır,

Təbii ki, bu tədbirin uğurlu keçməsi və ölkəmizin daha bir nailiyyətə imza atması üçün hər kəs əlindən gələni etməlidir. Nə yazıq ki, bu fikrin əleyhinə olan soydaşlarımız da var. Məsələn, son günlər paytaxtda yağan yağış nəticəsində yaranan problemlər barədə sosial şəbəkələrdə müxtəlif fikirlər səslənir. Hətta iddialar var ki, tunel və keçidlərdə su basmalar süni şəkildə təşkil edilir.Məqsədsə odur ki, COP29 ərəfəsində dünyaya göstərilsin ki, Azərbaycan iqlim dəyişiklikləri ilə ilə mübarizəyə və onun nəticələrinin aradan qaldırılmasına hazır deyil.

Həqiqətən də bu vaxtadək nə qədər yağış seli olsa da indiki qədər faciəli olmayıb. Üstəlik, son 10 gündə yağışlar təkcə faciəli olması ilə yanaşı, həm də çox geniş şəkildə təhlil edilir. Problemləri çılpaq və qabarıq şəkildə göstərməyə çalışırlar.

Doğrudanmı belədir?

Bu sualın cavabı müvafiq qurumların aparacağı araşdırmalardan sonra bəlli ola bilər.

News365.az