Suyun qiyməti artırılır- Buna ehtiyac varmı?
Xəbər
verdiyimiz kimi ölkədə suyun qiymətinin artacağı gözlənilir. Bununla bağlı
artıq dövlət qurumlarında müzakirələr başlayıb.
Bəs, suyun
qalxmasına zərurət varmı?
Sualı News365.az üçün
cavablandıran REAL Partiyasının sədri, iqtisadçı Natiq Cəfərli deyir ki,
suyun qiymətini həm əhali, həm də kommersiya qurumları üçün artırılması müzakirə
edilir:
“Özü də
diferensiallaşdırılma adı ilə bu addımı atmaq istəyirlər. İlin əvvəlində dizel
10% qaldırdılar, indi suyun, sonra işıq və qazın qiymətini artırılması gündəmə
gəlir, sonra da hökumət üzvləri, bəzi deputatlar ciddi sifət alıb, “ölkədə süni
qiymət artımı var”, deyirlər.
Ölkədə qiymətləri
artıran hökumətdir, aparılan yanlış iqtisadi, sosial, tarif, vergi, gömrük
siyasətidir. Dövlətin su, elektrik, qaz paylanması ilə məşğul olan şirkətləri
ziyanla işləyirsə, niyə ilk xərcləri azaltmırlar?! Nədən maya dəyərinin
şişirdilməsinin qarşısını almırlar?! Nə səbəbə satınalmalar şəffaf deyil?! Necə
ola bilər ki, Dövlət şirkəti ziyanla işləsin, amma, hər birinin rəhbər kadrları
bahalı maşınlarda gəzsin, gözəl villalarda, mənzillərdə yaşasınlar, bər-bəzəkli
həyat yaşasınlar?! Bunun bir izahı varmı, olacaqmı?! Olmaz belə, vallah
olmaz...”
News365.az
