“Sabah” FK Bakı gecəsini “sabah”a çevirdi, İki cavabsız qolla qələbə

Azərbaycan təmsilçisi “Sabah” UEFA Çempionlar Liqasının liqa mərhələsinin II turunda ilk qələbəsini qazanıb.

News365.az xəbər verir ki, Bakı klubu doğma meydanda Çexiyanın “Slaviya” komandasını 2:0 hesabı ilə məğlub edib.

Bakı Olimpiya Stadionunda keçirilən qarşılaşmada hesabı 49-cu dəqiqədə Kahim Parris açıb. Görüşün 88-ci dəqiqəsində isə Coy-Lens Mikels fərqlənərək komandasının üstünlüyünü iki topa çatdırıb.

Beləliklə, “Sabah” Çempionlar Liqasının liqa mərhələsində ilk üç xalını qazanıb.

Qeyd edək ki, Azərbaycan təmsilçisi ilk turda səfərdə İngiltərənin “Mançester Yunayted” klubuna 0:4 hesabı ilə məğlub olmuşdu. “Slaviya” isə Fransanın “Lans” komandasına 2:3 hesabı ilə uduzmuşdu.