Oğru elə bağırdı ki,..- Tural İrfan yazır

Yəni, Ermənistan baş naziri bunu şübhə altına aldığı halda İsrailin Baş naziri Netanyahunun qondarma soyqırımı iddiasını həqiqət kimi qəbul etməsi əsassız, qanunsuz və əhəmiyyətsizdir. Baş nazir Netanyahu haqqında bəşəriyyətə qarşı törədilmiş cinayətlərə görə Beynəlxalq Məhkəmənin həbs orderi var. Cinayət məsuliyyətinə cəlb edilməli olan bir şəxsin başqalarını cinayətdə ittiham etməsi və qərarı qəbul edən nazirlər kabinetinə rəhbərlik etməsi də qanunsuzdur. Həm Qəzza terroruna və müsəlman genosidinə görə həm də İsrailin daxilində dövlətə gələcəkdə ciddi problemlər yaradacaq addımlar atdığına görə Netanyahu indi olmasa da vəzifədən gedəndən sonra mütləq məsuliyyətə cəlb olunacaq. Məhz bunu özü də bildiyi üçün xilas yolu axtarır və tələsik, emosional çırpınışlar edir. Sözü gedən "erməni soyqırımı" iddiasının heç bir tarixi əsası olmadığı kimi bu gün o barədə qərəzli, düşmənçilik niyyəti ilə qəbul edilən qərarların da heç bir hüquqi statusu, beynəlxalq qüvvəsi yoxdur. Yalan ayaq tutsa da az yeriyir...