Natiq Cəfərli: Elə bilirdim daha təəccülənmərəm, amma - Ağsuda aliment ödəyə bilməyən ana cərimə edilib

Düşünürdüm ki, məmləkətdə daha məni təəccübləndirəcək heç nə baş verə bilməz.

News365.az xəbər verir ki, bu sözləri “REAL” partiyasının sədri Natoq Cəfərli sosial şəbəkə hesabında paylaşıb  

O bildirib ki, amma yanılıram, hələ də bizi təəccübləndirə bilirlər:

“Ağsuda 5 uşaqlı bir ailə dağılır, rəsmən boşanırlar. Razılığa görə 4 uşaq ata, ciddi xəstəlikləri olan bir uşaq isə ana ilə qalır. 

Ata adlanan adam, boşandıqdan sonra anadan aliment istəyir, dünyanın ən "ədalətli" məhkəməsi, tək gözü deyil, qulağı, ağzı da bağlı olan Azərbaycan "Femıdası" anaya, boşandığı ərinə hər ay 440 manat pul ödəməli olduğuna qərar verir. 

Xanım xəstə uşağa baxdığına, gəliri az olduğuna görə pulu ödəyə bilmir və uşaqların atasına 6390 manat borcu yaranır.

Ata adlanan şəxsin təkidi və müraciəti əsasında məhkəmə qərarlarının icra qurumu xanımı borca görə həbs edilməsi tələbi ilə Ağsu məhkəməsinə müraciət edir

Məhkəmə zamanı "Femidanın" bir qulağı açılır, ananın xahişlərini, ricasını, xəstə uşağını nəzərə alıb həbs etmir və ....... 6390 manat borcu olan, maddi durumuna görə aliment verə bilməyən xanımı əlavə 500 manat cərimələyir. Belə...”.