NASA təxliyəyə hazırlaşır- SƏBƏB

NASA Beynəlxalq Kosmik Stansiyada (BKS) olan astronavtlara kosmik gəmilərində sığınaraq mümkün təxliyəyə hazırlaşmağı tapşırıb.

News365.az xarici KİV-ə istinadla xəbər verir ki, buna səbəb stansiyanın Rusiya seqmentində qeydə alınan və getdikcə pisləşən hava sızması olub.

Məlumata görə, Rusiya ekipajları sızmanın aradan qaldırılması üçün təmir işləri aparırlar. Təhlükəsizlik məqsədilə NASA astronavtların öz kosmik gəmilərində qalmasını və zərurət yaranacağı təqdirdə stansiyanı tərk etməyə hazır olmasını istəyib.

Hazırda hava sızmasının mənbəyinin aradan qaldırılması istiqamətində işlər davam etdirilir. Vəziyyət nəzarətdə saxlanılır və ekipaj üzvlərinin təhlükəsizliyi üçün əlavə tədbirlər görülür.