Müharibə veteranının məcburən orduya göndərilən xəstə oğlunun acı taleyi- Kimdir günahkar?
Daha bir müəmmalı
əsgər ölümü...
Uzun illər xəstəlikdən
əziyyət çəkən və hərbi xidmətə yararsız sayılan Səlimli Tərlan Sərxan oğlu məmur özbaşnalığı səbəbilə həyatını itirib.
Və buna görə də heç kim məsuliyyətə cəlb olunmayıb.
Məsələ ilə bağlı
Sərxanın yaxınları News365.az–a müraciət edib.
Müraciətdə
deyilir ki, Səlimli Tərlan Sərxan oğlu 27 avqust 1997-ci ildə İsmayıllı rayonunda
doğulub:
“10 iliydi ki,
onun aşağı ətrafların anomaliyası və bel əyriliyindən əziyyət çəkirdi. Ona görə
də 2022 ci ildə ona hərbiyə yararsız olması ilə bağlı bilet də verilmişdi. Amma
hərbi-tibbi müayinə Əmək və Əhalinin Sosial Müdafiəsi Fonduna verildikdən sonra
vəziyyət dəyişdi. Nazirlik Tərlanın xəstəlik kağızlarını bir kənara atıb, onu hərbiyə
yararlı hesab etdilər.
Beləcə. Səfərbərlik
xidməti də Tərlanı 2025 ci il yay çağırışında xidmətə yola saldı. Bu ilin may ayında
bilmədiyimiz səbəblərdən meningit xəstəliyindən Tərlan Naxçıvan Mərkəzi
Hospitalına çatdırılır. Mayın 27-də ona narkoz verilir. Və narkozdan sonra o
komaya düşür. Vəziyyəti ağırlaşdığı üçün iyunun 1-də Bakıya Mərkəzi Hərbi
Hospitala köçürülür. Lakin buradakı həkimlərin səyləri fayda vermir və Tərlan 10
iyul 2026-cı ildə dünyasını dəyişir.
Tərlanın nəşi
evlərinə göndərilir və İsmayıllı rayon Təzəkənd kəndində o, torpağa tapşırılır.
Lakin Tərlanın
ölümü ilə bağlı hər hansı bir araşdırma aparılmadı və ölüm səbəbi barədə dəqiq
bilgi verilmədi”
Müraciətdə daha
sonra qeyd edilir ki, yararsız adamı qanunsuz şəkildə orduya göndərənlərin heç
biri Tərlanın ölümünə görə məsuliyyətə cəlb olunmayıb:
“Sizdən xahiş edirik
ki, bu məsələni ictimailəşdirin. Bəlkə bundan sonra günahkarlar cəzalandırıla.
Axı, bu gün Tərlankimilər aramızda çoxdur”.
Müraciətin
sonunda qeyd edilir ki, Tərlanın atası Səlimov Sərxan Salman oğlu Birinci
Qarabağ müharibəsinin iştirakçısı olub:
“Və 2017 ci ildə
xərçəng xəstəliyindən dünyasını dəyişib. Tərlanın bacısı ailə həyatı qurduğu
üçün xəstə anası tək və baxımsız yaşayır”.
Məsələ ilə bağlı
ƏƏSMN-nə sorğu göndərdik.
Ona görə də
mövzunu diqqətdə saxlayırıq.
News365.az
