Cocuq Mərcanlıda dövlətin əkdiyi tut bağı şumlandı – Sakindən ŞİKAYƏT / VİDEO

Cəbrayıl rayonunun Cocuq Mərcanlı kəndində xoşagəlməz hadisə baş verib. Dövlət tərəfindən kəndin çıxacağında salınan tut bağı kənd sakinlərinin iddiasına görə, bəzi şəxslər tərəfindən özəl texnika ilə şumlanaraq məhv edilib.

Bu barədə News365.az-a kənd sakini Bədəlov Bədəl Bəhrəm oğlu məlumat verib və ərazidən videoşikayət hazırlayıb.

Sakin iddia edir ki,  həmin ağaclar dövlət tərəfindən xüsusi olaraq əkilib və məqsəd kənd əhalisinin bu bağdan baramaçılıq (ipək qurdu bəsləmək) üçün istifadə etməsi, əkib-becərməsi olub. Lakin məsul şəxslər əraziyə traktor salaraq dövlətin əkdiyi ağac sahəsini alt-üst ediblər.

Hadisə ilə bağlı qarşı tərəfin mövqeyini verməyə hazırıq. 

News365.az sözügedən görüntüləri təqdim edir: