Litva Prezidenti 20 Yanvar faciəsi ilə bağlı paylaşım etdi

Litva Prezidenti Gitanas Nauseda 20 Yanvar faciəsinin qurbanlarını yad edib.

News365.az xəbər verir ki, o bu barədə "X" hesabında qeyd edib.

"Litva 1990-cı ilin yanvarında Sovet ordusunun təcavüzü nəticəsində şəhid olan günahsız insanların müqəddəs xatirəsi yad edilərkən Azərbaycanın yanında olduğunu bildirir. Sovet ordusunun təcavüzü Azərbaycan xalqının iradəsini sındıra bilmədi. Şəhidlərin ruhları şad olsun", - G.Nauseda vurğulayıb.