Kimlər bu gün məmur kreslosunu deputat mandatına dəyişir? - SİYAHI

Konustitusiya Məhkəməsi Milli Məclisə 1 sentyabrda keçirilmiş seçkilərlə bağlı Mərkəzi Seçki Komissiyasının yekun qərarının şənbə günü təsdiq edib. Bu günsə VII çağırış Milli Məclis ilk iclasına toplaşır. Bu günkü iclasda əsasən təşkilati məsələlərə baxılacaq Milli Məclisin sədri və sədr müavinləri  seçiləcək.

İlk iclasa ən yaşlı deputat Ziyad Səmədzadə sədrlik edəcək.

Maraqlıdır ki, bu dəfəki parlamentə bir sıra məmurlar da mandate qazanıb.

1. Onlardan biri Əli Əhmədovdur. O, 2013-cü ildə Baş nazirin müavini təyin edilib. Əli Əhmədov YAP-ın budəfəki siyahısında yeni adlardan biri olsa da, uzun illər Milli Məclisdə hakim partiyanı təmsil edib. O, II, III və IV çağırış parlamentin deputatı olub. Yenidən parlamentə qayıdan Əli Əhmədov birinci vitse-spiker seçiləcəyi deyilir.

2. Məmur kreslosunu itirən digər bir deputatsa Nəsimi Rayon İcra Hakimiyyətinin başçısı Asif Əsgərovdur. Asif Əsgərov 2000–2006-cı illərdə Gənclər, İdman və Turizm Nazirinin müavini, 2006–2009-cu illərdə Zaqatala Rayon İcra Hakimiyyətinin başçısı, 2009–2015-ci illərdə isə Bakı şəhəri Səbail Rayon İcra Hakimiyyətinin başçısı vəzifəsində çalışıb. O, Azərbaycan Respublikası Prezidentinin 2 sentyabr 2015-ci il tarixli Sərəncamı ilə Bakı şəhəri Nəsimi Rayon İcra Hakimiyyətinin başçısı vəzifəsinə təyin edilib. O, 112 saylı Zaqatala seçki dairəsindən mandate qazanıb.

3. Digər maraqlı sima isə Azərbaycan Dövlət Dəniz Akademiyasının rektoru olan Heydər Əsədovdur.  Onun namizədliyi 51 saylı Şirvan seçki dairəsindən irəli sürülüb. 59 yaşlı Heydər Əsədov Azərbaycan Respublikasının kənd təsərrüfatı naziri (2013–2018),

4. Məmurluqdan əl çəkən mövbəti şəxs “İçərişəhər” Dövlət Tarix-Memarlıq Qoruğu İdarəsi İdarə Heyətinin sədri Şahin Seyidzadədir.   sentyabrda keçirilən növbədənkənar parlament seçkilərində o, namizədliyini 87 saylı Qobustan - Şamaxı - İsmayıllı seçki dairəsindən irəli sürüb. Nəzərə alaq ki, o daha əvvəl də deputat olmuşdu.

5. 49 saylı Abşeron ikinci seçki dairəsindən deputat seçilən Rizvan Nəbiyev Xarici İşlər Nazirliyinin Linqivistik Təminat İdarəsinin rəisi vəzifəsində çalışır.

6. 47 saylı Sumqayıt-Abşeron-Qaradağ seçki dairəsinin mandate qazanan Zaur Şükürov isə ölkəmizin Cənubi Afrika Respublikasındakı müvəqqəti işlər vəkilidir.

7. Nazirlər Kabineti Aparatının İqtisadiyyat şöbəsinin müdiri Azər Əmiraslanov da deputat seçilənlər arasınadır. O, 19 iyul 1971-ci ildə Bakı şəhərində  anadan olub. Əslən Borçalı mahalındandır. O, 2017-2019-cu illərdə Azərbaycan Respublikası Prezidentinin aqrar siyasət məsələləri üzrə köməkçisi — şöbə müdiri vəzifəsində çalışıb. Azər Əmiraslanov Baş nazirin 2019-cu il 4 dekabr tarixli sərəncamı ilə Nazirlər Kabineti Aparatının İqtisadiyyat şöbəsinin müdiri vəzifəsinə təyin edilib.

8. 48 saylı Abşeron birinci seçki dairəsindən deputat seçilən Nigar Məmmədova Əmək və Əhalinin Sosial Müdafiəsi Nazirliyinin tabeliyində olan DOST İnklüziv İnkişaf və Yaradıcılıq Mərkəzinin direktorudur.

9. 50 saylı Abşeron üçüncü seçki dairəsindən 59 faiz səslə deputat seçilən Ramid Namazov isə Azərbaycan Respublikası Prezidentinin Administrasiyasının Xarici əlaqələr şöbəsində çalışır.

10. 121 saylı Laçın seçki dairəsindən deputat mandatı qazanan Rövşən Muradov Milli Məclisi Aparatının İqtisadi qanunvericilik şöbəsinin müdir müavini vəzifəsində işləyir.

11. Azərbaycanın Rusiyadakı səfiri Polad Bülbüloğlu da deputat seçilənlər arasındadır. O, 124 saylı Şuşa-Xocavənd-Ağdam seçki dairəsindən namizədliyini irəli sürmüşdü.

Qeyd edək ki, Azərbaycan Konstitusiyasına görə deputatlar pedoqoji və yaradıcılıq faliyyəti istisna olmaqla ödənişli fəaliyyətlə məşğul ola bilməzlər. Konstitusiya Məhkəməsi nəticələri təsdiqlədiyi üçün bu məmurlar vəzifələrini itirib.

News365.az