Gəncədə kütləvi davada 3 nəfər bıçaqlandı

Gəncədə bıçaqlanan şəxslərin sayının üç nəfər olduğu aşkara çıxıb.

News365.az Teleqraf-a istinadən xəbər verir ki, hadisə şəhər ərazisində qeydə alınıb.

Belə ki, Gəncə şəhərində məskunlaşan Kəlbəcər rayon Yellicə kənd sakini 2002-ci il təvəllüdlü Zamin Məmmədov döş qəfəsindən bıçaqlanıb. İnsident zamanı 1996-cı təvəllüdlü Babək Hahcağazadə və 1998-ci il təvəllüdlü Ələddin Əlizadə bıçaq xəsarətləri alıblar.

Daxili İşlər Nazirliyinin mətbuat xidmətinin Gəncə regional qrupunun rəsmi açıqlamasına görə, hadisə ilə bağlı Gəncə Şəhər Baş Polis İdarəsində araşdırma başlanıb. Əlavə məlumat veriləcək.