İnsan əcdadlarının tarixi ilə bağlı yeni tapıntı: 2 milyon il əvvəl…

İnsan əcdadlarının Afrikada daha əvvəl ortaya çıxdığını göstərən yeni fosillər tapılıb.

News365.az xəbər verir ki, arxeoloqlar insan əcdadlarının tarixinin əvvəlki hesablamalardan daha qədim ola biləcəyini göstərən yeni fosillər aşkarlayıblar.

Tədqiqatçılar 18 yeni hominin fosilini araşdırıblar. Onların arasında Homo erectus növünə aid ikinci kəllə fraqmentinin də olduğu bildirilir.

Araşdırmanın nəticələrinə görə, Homo erectus növünün Afrikanın cənubunda ortaya çıxması təxminən 2 milyon il əvvələ təsadüf edə bilər. Bu isə həmin növün meydana gəlməsi ilə bağlı əvvəlki hesablamadan təxminən 200 min il daha qədim tarix deməkdir.

Alimlər hesab edirlər ki, yeni tapıntılar insan təkamülünün ilk mərhələləri və Afrikadan dünyanın digər bölgələrinə yayılma prosesi barədə təsəvvürləri yenidən nəzərdən keçirməyə imkan verə bilər.