İmmunitetinizi artırmaq üçün nə yeməlisiniz?!

Pəhrizin əsas prinsipi qida maddələrinin bədənə balanslı şəkildə daxil olmasıdır. Və hər şeydən əvvəl zülallara və lifə olan ehtiyacımızın necə ödənildiyini izləməkdir. Məsələn vitamin C leykositlərin - infeksiyalarla aktiv mübarizə aparan ağ qan hüceyrələrinin istehsalını stimullaşdırır

İmmunitet orqanizmin infeksiyalara və xəstəliklərə qarşı müqavimət və mübarizə qabiliyyətidir. Bu, immunitet sistemi vasitəsilə baş verir. Havaların soyuq keçməsi ilə əlaqədar virus xəstəliklərinin sayı arta bilər, ona görə də sağlamlığınızın qeydinə qalın.

Bəs immuniteti artırmaq üçün nə yemək lazımdır?

İlk növbədə təbii qidalara üstünlük verilməlidir. Daha sonra isə aşağıdakı məhsullar qida rasionuna daxil edilməlidir.

Qaragilə

Onların tərkibində bədəni qoruyan antosiyaninlər, flavonoidlər, fenolik turşular və stilbenlər kimi bir çox fitokimyəvi maddələr var.

Qaragilədə olan çoxlu sayda antioksidant onların tünd mavi qabığında olur. Söhbət antosiyaninlərdən, iltihabla mübarizə aparmağa və beyni qorumağa kömək edən güclü antiinflamatuar birləşmələrdən gedir.

Nar

Narın şirəli yaqut-qırmızı toxumlarında olan antioksidantlar piylənmə, ürək-damar xəstəlikləri və diabet kimi xroniki xəstəliklərlə əlaqəli müəyyən biomarkerlərin səviyyəsini azaldır. Bu sağlamlıq faydaları əsasən antioksidan punicalaganın olması ilə bağlıdır.

Böyürtkən

Böyürtkəni təşkil edən toxumların hər birində güclü sağlamlıq faydaları təmin edən A və C vitaminləri, karotenoidlər, sterollar və terpenoidlərlə zəngin qoruyucu birləşmələr var.

Moruq

Moruq oksidləşdirici stress və iltihabla mübarizə apara bilən, bir çox xroniki xəstəliklərin inkişafının qarşısını alan qoruyucu antioksidantlarla yüklənir.

Bunlardan əlavə kifayət qədər protein yeyin

Bu niyə vacibdir?

Çünki amin turşuları orqanizmdə immun sistemimizi tənzimləyən antikor və sitokinlər əmələ gətirir. Zülallar həmçinin bir çox mikroelementləri bədən boyunca nəql edir. Odur ki, qida rasionunda zülal çatışmazlığı olarsa, immun funksiyası aşağı düşər.

Paxlalılar, qarabaşaq yarması və qoz-fındıq haqqında unutmayın, onlar bitki mənşəli protein mənbəyidir.

C vitamini olan məhsullar əlavə edin

C vitamini immunitet sistemində mühüm rol oynayır, bizi infeksiyalardan qorumağa kömək edən limfositlərin istehsalını təşviq edir. Vitamin C həm də antioksidantdır, sərbəst radikalların hüceyrələrə təsirini azaldır və buna görə də orqanizmdə iltihabı azaldır. C vitamini də dərinin müdafiə sisteminin bir hissəsidir.

News365.az