Mikroplastiklər sümük toxumasını zədələyirmiş
Mikroplastiklər paltardan, mebeldən,
pərdələrdən və digər əşyalardan ayrılaraq havaya, suya və qidaya daxil olur və
tənəffüs yolu ilə, udulur və ya dəri ilə təmasda olur. Alimlər artıq onları
qanda, beyində, plasentada, ana südündə və hətta sümüklərdə aşkar ediblər.
News365.az xəbər verir ki, Kampinas
Dövlət Universitetinin (Braziliya) alimləri tərəfindən aparılan 62 elmi
məqalənin təhlili mikroplastiklərin sümük toxumasını zədələdiyini göstərdi.
Onlar hüceyrələrin qocalmasını
sürətləndirir, iltihaba səbəb olur, sümük iliyinin kök hüceyrələrini pozur və
osteoklastların - sümük toxumasını parçalayan hüceyrələrin əmələ gəlməsini
stimullaşdırır. Heyvanlar üzərində aparılan təcrübələrdə bu, deformasiyalara,
sümüklərin kövrəkliyinə və hətta skelet böyüməsinin dayanmasına gətirib
çıxardı. Beynəlxalq Osteoporoz Fondunun proqnozlarına görə, 2050-ci ilə qədər
bu xəstəliklə əlaqəli sınıqların sayı 32% artacaq.
Buna görə də, mikroplastiklərin
rolunu başa düşmək, proqnozun niyə bu qədər pis olduğunu izah etməyə və onları
qarşısının alınması üçün yeni, idarə oluna bilən hədəfə çevirməyə kömək edə
bilər.
News365.az
