Dron hücumunda 3 yeniyetmə həlak oldu

Rusiyanın Uşaq Hüquqları üzrə Müvəkkili Maria Lvova-Belova bildirir ki, Ukraynanın Rusiyanın cənubundakı Krasnodar vilayətinə endirdiyi zərbə nəticəsində üç yeniyetmə (13, 15 və 16 yaşlarında) həlak olub.

News365.az BBC-yə istinadən xəbər verir ki, o, sosial şəbəkədə yaydığı açıqlamada daha altı uşağın qəlpə yaraları, yanıqlar və beyin silkələnməsi səbəbilə xəstəxanaya yerləşdirildiyini deyib.

Yerli qubernator Veniamin Kondratyevin sözlərinə görə, Krasnodarda uşaqlar üçün nəzərdə tutulmuş bir mərkəzə “dron qalıqları” düşüb.

Ukrayna PUA qüvvələrinin komandiri Robert Brovdi də bildirir ki, Rostov vilayətində Rusiyaya məxsus MiQ-29 qırıcı təyyarəsinə zərbə endiriblər.

Rusiya Müdafiə Nazirliyinin məlumatına görə, gecə ərzində ümumilikdə 351 Ukrayna PUA-sı ələ keçirilib.