Bu şəxslər xüsusi dövlət rabitəsi ilə təmin olunacaq - FƏRMAN

Prezident fərmanı ilə “Xüsusi dövlət rabitəsi ilə təmin olunan vəzifəli şəxslər” siyahısında dəyişiklik edilib

News365.az xəbər verir ki, bu barədə Prezident İlham Əliyev Fərman imzalayıb.

Yeni fərmana əsasən, siyahının 18-ci hissəsi ləğv olunub.

Eyni zamanda, 19-1-ci hissə yeni redaksiyada təqdim edilib. Belə ki, Azərbaycan Respublikasının Müdafiə Sənayesi Nazirliyi üzrə aşağıdakı şəxslər xüsusi dövlət rabitəsi ilə təmin olunacaq:

• Nazirliyin müstəqil şöbələrinin müdirləri;

• Nazirliyin tabeliyindəki “Azərsilah” Müdafiə Sənayesi Holdinqi Qapalı Səhmdar Cəmiyyətinin baş direktoru və onun müavinləri;

• Nazirliyin strukturuna daxil olan “Cihaz İstehsalat Birliyi” MMC-nin baş direktoru.

Qeyd edək ki, bu dəyişikliklər 2019-cu ildən qüvvədə olan əsas sənədə edilən növbəti əlavələrdəndir və aidiyyəti üzrə hüquqi və inzibati təminatlara təsir göstərir.