Bu ölkə Ukraynaya yardım tədarükünü dayandıracaq

Bolqarıstan artıq Ukraynaya hərbi yardım tədarük etməyəcək.

News365.az xəbər verir ki, Bolqarıstanın müdafiə naziri Dimitar Stoyanov bunu Müdafiə Nazirliyində keçirilən mətbuat konfransında bildirib.

Onun sözlərinə görə, Ukraynada müharibə döyüş meydanında həll oluna bilməz. Nazir hərbi əməliyyatların dayandırılması üçün danışıqların aparılmasına çağırıb.

Nazir Avropa İttifaqının bu prosesdəki rolunun son dərəcə vacib olduğunu vurğulayıb.

Qeyd edək ki, Bolqarıstan 2026-cı ilin martında Ukrayna üçün ABŞ silahlarının satın alınması üzrə PURL təşəbbüsünə qoşulub.