Bu gün və sabah ehtiyatlı olun!

ABŞ Milli Okean və Atmosfer Administrasiyasının Kosmik Hava Proqnozları Mərkəzi əyan edib ki, 28-29 mart tarixlərində geomaqnit aktivliyi müşahidə olunacaq.

Geomaqnit qasırğaları güc səviyyəsinə görə təsnif edilir - K-indeksi - 2-dən 9-a qədər. K-indeksi nə qədər yüksək olsa, fırtına və onun nəticələri və insanlara və avadanlıqlara təsiri bir o qədər güclü olar.

Son bir neçə gündür davam edən maqnit qasırğası nəhayət ki, səngiməyə başlayacaq. Lakin qasırğa 28 mart cümə günü və 29 mart şənbə günü qüvvədə qalacaq. Beləki K-indeksi 4 (sarı səviyyə) olan güclü maqnit pozuntuları qalacaq. Qeyd etmək lazımdır ki, günəş aktivliyi tədqiqatçıları öz məlumatlarını hər üç saatdan bir yenilədikləri üçün proqnoz hələ də dəyişə bilər.

Məsələ ilə bağlı  News365.az-a danışan həkim Rasif Bağırov bu gün bəzi insanların səhhətlərinə qarşı çox diqqətli olmalarını vacib hesab edir: 

“Belə günlərdə müəyyən xroniki xəstəlik keçirmiş cavan adamlarda baş ağrıları müşahidə olunur. Belə hava əsasən 50 yaşdan yuxarı insanların səhhətinə mənfi təsir göstərir.

Məsələn, qanında müəyyən yağların miqdarı yüksək olan, qanında qatılıq olan, bir sözlə qan təzyiqindən əziyyət çəkən insanlara belə hava pis təsir edir.

Bu da özünü baş ağrıları, halsızlıq kimi simptomlarla göstərə bilər. Belə hava hətta hipertoniyadan ciddi əziyyət çəkən insanların ölümünə belə səbəb ola bilər. Ona görə də bu günlərdə 50 yaşından yuxarı və qan təzyiqindən əziyyət çəkən insanlar bir qədər diqqətli olmalıdırlar”.

News365.az