“Bakuelectronics” MMC-dən şikayət- Müştəri 4 aydır incidilir

Redaksiyamıza növbəti şikayət daxil olub. Bu dəfə şikayət “Bakuelectronics” MMC -dəndir. Şikayətçi isə Binəqədi rayonu, Abay Kunanbayev küçəsi, ev  62, mən 24-də yaşayan Rzayeva Reyhan Qəzənfəz qızıdır

News365.az-a  müraciətində o bildirib ki, 05.07.2024 tarixdə “Bakuelectronics” MMC-dən qızı Ələsgərova Könül Faiq qızının adına  kreditlə və 1 illik zəmanətlə  paltaryuyan alıb:

“Paltaryuyan üçün 1100 manat ödəniş etdim. Çatdırılma isə 2 gün sonra oldu.  4 aydan sonra paltaryuyanın iç barabanında metal karroziya aşkarlandı. Dərhal “Samsung” şirkətinin Bakı ofosonon qaynar xəttinə müraciət etdik. Tələb etdim ki, maşını ya qüsursuz maşınla dəyişin, ya da ödədiyim pulu qaytarıb, müqaviləni ləğv edin.

21.11.2024 tarixində Baku Service Company Nəsimi filialından “Bakuelectronicsə məxsus olan servis” usta Elmir Huseynov  mənzilə göndərildi və yerində baxış edib görüntülü ilə Bakidaki  Samsung nümayəndəsinə video görüntülü şəklində göstərdirdi. Daha sonar Servis tərəfindən rəy verildi-ki barabanda qusur var. Maşın göndərib paltaryuyanı təmirə apardılar.

07.12.2024 tarixində BSC usta tərəfindən zəng olunub bildirildi ki, qusur olan hissəsi təmir olunub və təhvil ala bilərsiniz. Daha sonra paltaryuyanı mənzilə gətirib quraşdırıldı.  İlk yumadan sonra paltaryuyana baxış keçirdən zaman, müəyyən edildi ki güya “yeni quraşdırılan baraban”  problemli barabandır. Üzərində 3 tərəfli cızıq-capıq müşaidə olunur. Əlavə olaraq aldığım paltaryuyan maşın 2024 il buraxılışıdır, quraşdırılan iç barabansa 2023 ilin buraxılışıdır.

Təkrarən dərhal Bakuelectronics  və Samsung şikətin qaynar xəttinə şikayət etdik. Təkrar olara usta yönləndirib, baxış keçirdilər. Bildirdilər ki, bu çızıq çapıq deyil, zavod ştampovkasıdır, bu qusur deyil. Lakin bunula razı olmadığım üçün yenidən “Bakuelectronics” müştəri xidmətlərinə və Samsung qaynar xəttinə zəng edərək şikayət etdim. Mənə bildirdilər ki, “bunula bağlı araşdırılma olunur və sizə məlumat təqdim olunacaq”.

Sonda bildirildi ki. bu çızıq-çapıq paltaryuyana heç bir problem yaratmır. Beləcə “BakuServis company” video materialı məhəl vermiyərək məhsuliyyətdən yayınır.

Samsung və BakuServis company tərəfindən barabanı tam yenisi ilə əvəz olunmasında imtina edir. Qaytarma olunsa ödənilmiş məbləğin 35%  tutulacaq”.

Reyhan Rzayeva deyir ki, neçə vaxtdır qalıb ortalıqda. Nə ödədiyi pulu qaytarmırlar, nə də ki, paltaryuyanı yenisi ilə əvəz etmirlər.

Məsələ ilə bağlı qarşı tərəflərə sorğu göndərdik. Ona görə də mövzunu diqqətdə saxlayacağıq.

News365.az