Ağacları kəsənlər təbiətə 30 min manatlıq ziyan vurublar

Ağacları kəsənlər təbiətə 30 min manatlıq ziyan vurublar
02 May 2025 19:35

Bakıda ağaclar qanunsuz kəsilib, təbiətə 30 min manatlıq ziyan dəyib.

Bu barədə Dövlət Ekoloji Təhlükəsizlik Xidməti məlumat yayıb. 

Dövlət Xidmətinin əməkdaşlarının son bir həftə ərzində keçirdiyi nəzarət tədbirləri zamanı Bakı şəhərinin inzibati ərazisində yaşıllıqların qanunsuz kəsilməsi faktları aşkarlanıb.

Araşdırma zamanı Xəzər rayonu Albalılıq yaşayış massivində, eyni zamanda Nərimanov rayonu Təbriz və Həsənoğlu küçələrinin kəsişməsində ağacların qanunsuz kəsilməsi ilə bağlı təbiətə 30 min manat məbləğində ziyan dəydiyi müəyyən edilib.

Hər iki fakt üzrə yaşıllıqlara dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış materiallar hüquq-mühafizə orqanlarına göndərilib.


Sizin reklam burada
Sizin reklam burada