“ABŞ gücü” bütün müharibələri dayandıracaq - Trampın çıxışından əsas məqamlar

ABŞ Prezidenti Donald Tramp andiçmə mərasimindəki çıxışı zamanı gələcəkdə ölkəni böyük uğurların gözlədiyini bildirib.

News365.az Trampın çıxışından əsas başlıqları təqdim edir: 

- O, “sülh yaradan və birləşdirici” olacağını bəyan etdi.

- Amerikanın "Qızıl Dövrü" hazırda başlayır və tezliklə əvvəlkindən daha "böyük", daha güclü və "daha müstəsna" olacaq.

- Bu gündən etibarən ABŞ-ın rəsmi siyasəti yalnız iki cinsin - kişi və qadının tanınmasıdır.

- O, söz verdi ki, “ABŞ gücü” bütün müharibələri dayandıracaq və dünyaya yeni birlik ruhu gətirəcək.

- O, Panama kanalına nəzarəti bərpa etmək niyyətində olduğunu bildirib, onun sözlərinə görə, Panama öz kanalına nəzarəti Çinə verib, indi ABŞ onu “geri alacaq”. 

- "Dünyanın indiyə qədər gördüyü ən güclü ordu" qurmaq niyyətini bəyan etdi.

- O, “Ədliyyə Nazirliyinin siyasi məqsədlər üçün istifadəsinə” son qoymaqla ABŞ-da suverenliyi və ədaləti bərpa edəcəyinə söz verdi.

- O, Ağ Evə qayıtması ilə "Amerikanın tənəzzülünə son qoyulduğunu" vəd etdi.

- O, ilk öncə cənub sərhədindəki vəziyyətlə əlaqədar ümummilli fövqəladə vəziyyət tətbiq edəcəyinə söz verdi.

- O, qeyri-qanuni mühacirlərin “işğalını” dayandırmaq üçün cənub sərhədinə qoşun yeridəcəyini və narkotik kartellərini terror təşkilatları elan edəcəyini bildirib.

- O, söz azadlığını ABŞ-a qaytaracağına söz verdi