Rusiyanın Krasnoyarsk diyarının Verxniy Kebej kəndində faciəvi olay baş verib.
News365.az "Baza"ya istinadən xəbər verir ki, ayı 66 yaşlı təqaüdçü qadına öz evinin həyətində hücum edərək onu parçalayıb.
Dəhşətli hücum Yermakovski bələdiyyə dairəsində qeydə alınıb.
Hazırda hadisənin təfərrüatları hüquq-mühafizə orqanları tərəfindən müəyyənləşdirilir. Bildirilir ki, bu, son bir ay ərzində Sibirdə ayının hücumu nəticəsində həlak olan altıncı şəxsdir.
Qeyd edək ki, bir qədər əvvəl "Baza" teleqram kanalı son illərdə Rusiyada ayıların insanlara hücumlarının rekord həddə çatdığını bildirib və yırtıcıların hücum xəritəsini tərtib edib.
