Tıxac həyatımıza necə təsir edir? - Psixoloqdan Xəbərdarlıq
Gündəlik nəqliyyat sıxlığı təkcə vaxt itkisi deyil, həm də psixoloji rifahımıza vurulan ciddi zərbədir.
Psixoloq Zümrüd Əsədova News365.az-a bildirir ki, hər gün saatlarla tıxacda qalmaq zamanla xroniki yorğunluq və emosional gərginliyə yol açır.
Mövzu ilə bağlı əsas məqamlar və psixoloji təsirlər aşağıdakı kimidir:
Çarəsizlik və nəzarətsizlik hissi: Avtomobili hərəkət etdirə bilməmək və vaxtın hədər getdiyini görmək insanı tez gərginləşdirir. Nə vaxt çatacağını və ya yolun nə vaxt açılacağını idarə edə bilməmək gərginliyi artırır.
Həssaslığın və aqressiyanın yüksəlməsi: Tıxacda hər kəs bir-birinin hərəkətindən asılı olur. Normal şəraitdə önəmsiz görünən bir siqnal səsı və ya kəskin manevr, toplanmış stress fonunda sərt reaksiyalara sabəb ola bilir.
Münasibətlərə mənfi təsiri: Yoldakı gərginlik maşından düşən kimi bitmir. Evə və ya işə yorğun, əsəbi çatdıqda bu emosiyalar ailə münasibətlərinə, uşaqlarla rəftara və iş mühitindəki ünsiyyətə birbaşa təsir edir.
Mövcud problemlərin qabarması: Əgər insan artıq yuxusuzdursa, yorğundursa və ya başqa qayğıları varsa, tıxac bu mənfi emosiyaların daha tez üzə çıxmasına təkan verir.
Çıxış yolu: Tıxacda ən çox itirdiyimiz şey vaxtdan ziyadə özümüzə olan səbrimizdir. Bu gərginliyi azaltmaq üçün insan öz reaksiyalarını idarə etməyi bacarmalıdır. "Mən yolu və hərəkəti idarə edə bilmirəm, amma bu yolun mənim əhval-ruhiyyəmi idarə etməsinə icazə verməyə bilərəm" yanaşması emosional təzyiqi gözəçarpacaq dərəcədə azaldır.
News365.az
