Yasamalda bu mağazanın fəaliyyəti dayandırıldı
Cəmiyyət
10 Fev 2025 19:45
Azərbaycan Qida Təhlükəsizliyi Agentliyi tərəfindən Bakı şəhəri, Yasamal rayonu, A.M.Şərifzadə küçəsi, 125 ünvanında yerləşən ət satışı mağazasında həyata keçirilən nəzarət tədbiri zamanı satışa çıxarılan iribuynuzlu heyvan ətlərindən nümunələr götürülərək müayinələrin aparılması üçün müvafiq laboratoriyaya təqdim edilib.
Agentliyin İnformasiya təminatı və innovativ həllər şöbəsindən news365.az-a verilən məlumata görə, sınaq nəticələrinə əsasən, götürülən həmin nümunələrdə camış və at DNT-ləri aşkarlanıb.
Faktla bağlı fiziki şəxs Bayramov Vüqar Vəliqulu oğlu barəsində inzibati protokol tərtib edilib və mağazanın fəaliyyəti dayandırılıb.
