Türkiyə üçün Şengen zonasına YENİ ADDIM

Avropa İttifaqı Türkiyə ilə viza rejiminin liberallaşdırılması üzərində işləyir.

News365.az xəbər verir ki, bu barədə Türkiyə mediası məlumat yayıb.

Bildirilib ki, 16 dekabr 2013-cü ildə başlayan proses çərçivəsində Türkiyənin yerinə yetirməli olduğu 72 meyar müəyyənləşdirilmişdi. İndiyədək 66 meyar tamamlanıb, 6 meyar isə uzun müddətdir gözləmədə qalıb.

8 avqust 2026-cı ildə Türkiyənin vitse-prezidenti Cevdet Yılmaz qalan 6 meyarla bağlı işlərin başladıldığını açıqlayıb.

Qalan meyarlar:

• Terrorla mübarizə haqqında qanun
• Şəxsi məlumatların qorunması
• Korrupsiya ilə mübarizə
• Mütəşəkkil cinayətkarlıq və Europol ilə əməkdaşlıq
• Fundamental hüquqlar, azadlıqlar və məhkəmə-hüquq islahatları
• Readmissiya Sazişinin effektiv şəkildə həyata keçirilməsi

Bildirilib ki, müzakirələr və proses tamamlandıqdan sonra Türkiyə vətəndaşlarının Şengen zonasına vizasız səfər edə bilməsi mümkün olacaq.