"TANAP vasitəsi ilə Avropaya 73 milyard kubmetr Azərbaycan qazı ötürülüb" – Elçin İbadov

Bir Azərbaycan brendi olan SOCAR Beynəlxalq aləmdə nüfuzunu durmadan artırır və iqtisadi əlaqələrini  hər ötən gün genişləndirir. Təsadüfi deyil ki, SOCAR-ın bir sıra ölkələrdə nümayəndəlikləri və törəmə şirkətkləri yaradılıb. Və həmin qurumlar uğurla fəaliyyət göstərərək Azərbaycan iqtisadiyatına böyük töhfə verməklə yanaşı Beynəlxalq əlaqələrimizi də gücləndirir.

News365.az -ınTürkiyəyə ezam olunmuş əməkdaşı xəbər verir ki, “SOCAR Türkiyə”nin baş icraçı direktoru  Elçin İbadov jurnalistlərə açıqlamasında deyib ki,  SOCAR  həm Türkiyədə uğurlu layihələr həyata keçirir, həm də Türkiyə üzərindən Avropaya Azərbaycanın karbohidrogen ehtiyatlarının ötürülməsində əsas rol oynayır:

“SOCAR-ın iştirakçısı olduğu uğurlu layihələrdən biri də TANAP-dır. TANAP Azərbaycandan İtaliyaya qədər uzanan 3500 kilometrlik Cənubi Qafqaz Boru Kəməri (CQBK) və Trans Adriatik Boru Kəməri (TAP) ilə birlikdə Cənub Qaz Dəhlizinin ən mühüm hissəsidir. TANAP Avropa və Türkiyənin təbii qaz ehtiyatlarının müxtəlifliyinin artırılması ilə yanaşı Türkiyəni enerji Herkese Açık & Kişisel Veri İçermez dəhlizinə çevirmək istiqamətində bugünə qədər atılmış ən strateji addımlardan biridir. Ümumi tutumu 16 milyard kubmetr olan kəmərin ilk sınaq qazı 2018-ci il yanvarın 23-də 1,339 kilometrlik “Faza 0” hissəsində verilib. Kommersiya əməliyyatları isə 30 iyun 2018-ci il tarixində başlayıb. 15 iyun 2019-cu il tarixində 455 kilometr uzunluğunda “Faza 1” hissəsi tamamlanmış, 1.811 km boru kəməri sistemi Avropaya qaz tədarükü üçün hazır vəziyyətə gətirilib. Beləcə, 31 dekabr 2020 tarixindən etibarən ilk kommersiya qazı Avropaya çatdırılıb”.

Müsahibimiz onu da qeyd edib ki, layihə ilə nəql edilən 16 milyard kubmetr təbii qazın 6 milyard m3 Eskişehir və Trakyadakı iki nöqtədən milli şəbəkəyə qoşularaq Türkiyədə istifadə olunur, 10 milyard m3 təbii qaz isə TAP vasitəsilə Avropaya çatdırılır:

“TANAP-ın Türkiyə-Yunanıstan sərhədində TAP ilə birləşməsindən sonra Azərbaycan qazı Albaniya və Adriatik dənizindən keçərək İtaliyaya çatır. 16 milyard m3 olan xəttin ötürmə qabiliyyətinin əlavə investisiyalarla 31 milyard m3 çatdırılması nəzərdə tutulub. TANAP regionun ən uzun (1.811 km) və ən böyük diametrli (56”) təbii qaz kəməridir. TANAP quruda 2.760 metr hündürlükdən, dənizdə isə 67.5 metr dərinliyə qədər uzanan marşrut üzərində tikilib. 31 dekabr 2024-cü il tarixinə TANAP ilə nəql edilən qazın ümumi həcmi 73,54 milyard m3-dir”.

News365.az