Qəzzada ölənlərin sayı 50 423 nəfərə çatdı
Dünya
02 Apr 2025 16:00
İsrail ordusunun 7 oktyabr 2023-cü ildən Qəzza zolağına təşkil etdiyi hücumlarda həyatını itirənlərin sayı 50 min 423 nəfərə yüksəlib.
News365.az xəbər verir ki, bu barədə ölkənin Səhiyyə nazirliyi məlumat yayıb.
Səhiyyə Nazirliyindən verilən açıqlamada Qəzza zolağında son 24 saatda 55 nəfərin öldüyü, 55 nəfərin isə yaralandığı bildirilib.
İsrailin atəşkəsi pozduğu 18 martdan bu yana həyatını itirənlərin sayının 1066-ya, yaralıların sayının isə 2597-yə yüksəldiyi bildirilib.
İsrailin Qəzza zolağına hücumlara başladığı 2023-cü il oktyabrın 7-dən indiyədək ümumi insan itkisi 50.423-ə, yaralıların sayı isə 114.638-ə yüksəlib.
