Evinə girən şiri pişiklə səhv saldı

Hindistanda maraqlı hadisə baş verib. Ölkənin qərbində gecə vəhşi yırtıcı heyvanın evlərdən birinə girməsi bütün bölgəni qarışdırıb. Bu barədə “The Times of India” məlumat yayıb.

"İndident aprelin 1-də Qucarat ştatının Amreli şəhəri ətrafında baş verib. Ev sahibinin sözlərinə görə, mətbəxdən qəribə səslər gəlməyə başlayanda bütün ailə artıq yatmışdı. Əvvəlcə elə biliblər ki, evə pişik girib. Ev sahibi hər şeyin qaydasında olub-olmadığını yoxlamaq üçün mətbəxə gedəndə görüb ki, divarla dam arasındakı boşluqdan bir aslanın başı çıxıb. Kişi həyəcanlanıb və səs-küy salıb. O, qohumlarını və qonşularını çağırıb. Onlar yerli meşə təsərrüfatı idarəsinə zəng vurublar və sonra heyvanı qorxutmaq üçün kişik od parçalarından istifadə ediblər ki, aslan binaya girməyə çalışmasın", - nəşr yazıb.

Tezliklə fövqəladə hadisə yerinə gələn meşə mühafizəçiləri aslanı zərərsizləşdirərək təhlükəsiz yerə aparıblar.

Nəşr qeyd edib ki, kənd sakinləri meşəyə yaxın yaşadıqları üçün artıq vəhşi heyvanlara öyrəşiblər. Lakin bu dəfə aslanın yaşayış evinin içinə daxil olması onlar üçün sürpriz olub. Çünki şir əraziyə çatmaq üçün  dörd metrə yaxın daş divarın üstündən aşmalı olub.

Tural