"Rusiya və Ermənistan siyasi dialoqu yüksək səviyyədə saxlaya bilir" -Lavrov

"Rusiya və Ermənistan digər dövlətlərin münasibətlərimizi pozmaq cəhdlərinə baxmayaraq, siyasi dialoqu və xarici siyasət koordinasiyasını yüksək səviyyədə saxlamağa, ticarət-iqtisadi əməkdaşlığı artırmağa nail olublar". Bunu Rusiyanın xarici işlər naziri Sergey Lavrov erməni həmkarı Ararat Mirzoyana ünvanladığı iki ölkə arasında diplomatik münasibətlərin 33-cü ildönümü münasibətilə təbrik məktubunda bildirib. Məktub aidiyyəti qurumun saytında dərc olunub.

Lavrov həmçinin qeyd edib ki, Moskva İrəvanla tərəfdaşlığı daha da dərinləşdirməyə, Rusiya və erməni xalqlarının mənafeyi, Cənubi Qafqazda sülh və təhlükəsizliyin möhkəmləndirilməsi maraqları naminə tərəfdaşlığın səmərəliliyini artırmağa hazırdır.

Lavrov Mirzoyana və Ermənistan Xarici İşlər Nazirliyinin bütün əməkdaşlarına möhkəm cansağlığı, rifah və peşəkar fəaliyyətlərində uğurlar, erməni xalqına isə firavanlıq arzulayıb.

Tural