"Almaniya prezidenti kompromisə getmək məsələsini açıqlamır" - Arzu Nağıyev

" Almaniya prezidenti özünü humanist bir rəhbər kimi göstərmək üçün bu çıxışlarında və məsələlərdə bunu vurğulamağa çalışır. Məlumdur ki, onun da bir müddət əvvəl sosial şəbəkələrdə yazdığı bir paylaşımı sonradan silməsi bu kontekstdə diqqət çəkir."

Milli Məclisin deputatı Arzu Nağıyev bu sözləri News365.az-a deyib. 

Almaniya dövlətində əsas qərarları verən və eyni zamanda ciddi siyasi addımlar ata bilən fiqurlar Almaniya kansleri, onun təmsil etdiyi partiyalar və, təbii ki, bundestaqdır. Buna görə də prezidentin bu cür çıxışlar etməsində məqsəd Azərbaycanla yaxınlığını bir daha nümayiş etdirmək ola bilər.

Lakin kompromisə getmək məsələsini o açıqlamır. Düşünürəm ki, bunu məhz Azərbaycanda olduğu üçün belə edir. Əgər Ermənistan rəhbərliyi ilə görüşdə də eyni mövqedə olsa, düşünürəm ki, orada da kompromis məsələsini vurğulayacaq.

Yəni, bu, siyasi gedişdir. Elə bil ki, Azərbaycandan daha çox kompromis gözlənilir. Bildiyiniz kimi, Azərbaycan öz sözünü deyən, eyni zamanda prinsipial və müstəqil daxili və xarici siyasət yürüdən bir dövlətdir. Bizə hər hansı bir məsləhətlə kompromisə getməyi heç kəs diktə edə bilməz, xüsusilə də Almaniya."