Erməni deputat bayraq satanlara təzyiqlərdən gileyləndi

Ermənistan Milli Assambleyasının "Hayastan" fraksiyasının üzvü, radikal müxalifətçi Qarnik Danielyan diqqət çəkən məlumat yayıb.

O, özünün Facebook profilində paylaşım edərək yazıb ki, İrəvanın mərkəzi küçələrində bayraq, şar və oyuncaq satan satıcılar həyəcan təbili çalırlar: "Çünki İrəvan meriyasının əməkdaşları və polis işçiləri onlarla son dərəcə kobud rəftar edirlər. Çox vaxt küçə ticarəti ilə məşğul olaları  təqib edir, onların məhsullarını əlindən alır və ya müsadirə edirlər.

Qeyd etməliyəm ki, onların arasında aztəminatlı, əlil vətəndaşlar da var ki, onlar üçün həyatda qalmağın yeganə yolu küçə ticarətidir. Şəhər rəhbərliyi isə qadağalardan və cərimələrdən əvvəl bu insanlara başqa imkanlar yaratmalıdır. Vətəndaşlarımıza qarşı bu cür münasibət yolverilməzdir. Mən meriyanı bu yanaşmaya yenidən nəzər salmağa və polisi uyğun davranış nümayiş etdirməyə çağırıram".

Tural