"Qəzzada dərhal atəşkəs elan olunmalıdır"- Rusiya

Rusiya Qəzza zolağında dərhal atəşkəsə və bütün məhbusların azadlığa buraxılmasına çağırıb. 

News365.az "İnterfaks"a istinadən xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova brifinqdə deyib. 

Onun sözlərinə görə, Rusiya tərəfi Fələstin Milli Administrasiyası, Fələstinin siyasi hərəkatları, İsrail və cəlb olunmuş regional oyunçularla daimi dialoq aparır:  "Rusiya tərəfləri uzun müddətdir davam edən qlobal münaqişənin davamlı siyasi həllinə nail olmağa inandırır. Biz Qəzzada dərhal atəşkəs və bütün məhbusların azad edilməsində israr edirik. Fələstin xalqının müstəqil və suveren dövlət yaratmaq hüququnun reallaşması bütün Yaxın Şərq üçün təhlükəsizliyin təminatına çevriləcək".