Van Damm insan alveri və cinsi istismarda İTTİHAM OLUNUR

Hollivud aktyoru Jan-Klod Van Damm azyaşlılar da daxil olmaqla insan alveri şəbəkəsində iştirakda ittiham olunur. 

News365.az “Libertatea”ya istinadən xəbər verir ki, o, insan alverinin qurbanı olmuş və cinsi istismara məruz qalan qadınların xidmətindən istifadə etməkdə şübhəli bilinir. 

İstintaqı Rumıniyanın Mütəşəkkil Cinayətkarlıqla Mübarizə Baş Prokurorluğu aparır.  İstintaq 26 yaşlı Rumıniya vətəndaşı olan qadının ifadəsi əsasında başlayıb.

Qadının sözlərinə görə, on il əvvəl Kannda o və digər qızlar, o cümlədən azyaşlılar, aktyorun əli olduğu iddia edilən cinsi istismara məruz qalıb.

İddialara görə, Van Damm insan alverinin qurbanı olmuş qızların intim xidmətlərindən istifadə edib.  Zərərçəkmiş qadının vəkili bildirib ki, Van Damma qarşı Rumıniya Cinayət Məcəlləsinin üç maddəsi ilə ittiham elan olunub: istismar edilən şəxsin xidmətlərindən istifadə etmək, cinayət birliyi yaratmaq və insan alveri. 

Məlumata görə, polşalı media maqnatı, Fashion TV beynəlxalq televiziya kanalının sahibi Mişel Adam və bu kanalın Rumıniya nümayəndəliyinin rəhbəri İon Mirea aktyora qızları təklif ediblər. 

Qeyd edək ki, Van Damm əvvəllər də cinsi təcavüzdə ittiham olunub. 2022-ci ildə Belçika prokurorluğu 33 yaşlı qadının aktyorun Brüsseldəki barda ona hücum etməyə çalışdığını iddia etdikdən sonra istintaqa başlayıb.

Aktyor özü bütün ittihamları rədd edib.