Aİ ABŞ texnologiya nəhənglərinə qarşı tədbir görə bilər

Avropa İttifaqı (Aİ) Donald Trampın tariflərinə cavab olaraq ABŞ texnologiya nəhənglərinə qarşı ticarət tədbirləri tətbiq etməyi nəzərdən keçirə bilər. Bu barədə xarici KİV məlumat yayıb. Saytlar birliyin parlamentinin regional ticarət komitəsinin sədri Bernd Lanqa istinad ediblər. 

O qeyd edib ki, hüquqi nöqteyi-nəzərdən Aİ təkcə Amerika məhsullarına deyil, həm də xidmətlərə məhdudiyyətlər qoymaq hüququna malikdir.

"Biz bilirik ki, bizim Avropa İttifaqı olaraq təxminən 100 milyard avro kəsirimiz var və Amerika texnoloji nəhənglərinin Aİ-də əldə etdikləri dövriyyə təxminən 30% təşkil edir.  Əlbəttə, əgər biz həqiqətən də eskalasiya anındayıqsa,  texnologiya nəhənglərinə qarşı da tədbirləri nəzərdən keçirəcəyik",- parlamentari deyib.

Eyni zamanda Landj vurğulayıb ki, region birlik problemi danışıqlar yolu ilə həll etmək istəyir. Bununla belə, zərurət yaranarsa, Aİ onları sıxan ölkəyə qarşı əks tədbirlər şəklində “ağır silahlardan” istifadə etməyə hazır olacaq.

Aprelin 3-də ABŞ 185 ölkədən gələn mallara gömrük rüsumları tətbiq edib. Aİ-yə üzv ölkələrin məhsullarına tətbiq edilən rüsumların məbləği 20% təşkil edib. Çindən idxal isə öz növbəsində 34% rüsumla üzləşib.

Tural