Gümrünün keçmiş meri transgenderə görə həbs oluna bilər

Ermənistanda transgender tanınmış siyasətçidən şikayət edib. "Hraparak"ın yaydığı məlumata görə, “Sağ cinah” ictimai təşkilatının rəhbəri, transgender Lilit Martirosyan Gümrü şəhərinin keçmiş meri, son seçkilərdə isə merliyə namizəd olmuş Vardan Qukasyandan Ermənistan Respublikasının Baş Prokurorluğuna şikayət edib.

Transseksual  nəşrə müsahibəsində deyib: "Bu gün biz prokurorluğa getdik və cinayət əməli ilə bağlı protokolun tərtibinə nail olduq. Bu günə qədər cinayət işi açılmamışdı, indi şikayət verildi... Qukasyan sadəcə qətlə çağırış edir və bizə nifrət bəsləyir. Onun düşüncəsinə görə, hər şey ağ və qaraya bölünür. İndi isə vəziyyəti daha da ağırlaşdırırlar. Vardan Qukasyanın LGBT nümayəndələrinə qarşı hücumu ilk dəfə deyil ki, baş verir. O, hələ 2019-cu ildə, mən Milli Assambleyada çıxış edəndə LGBT nümayəndələrinə qarşı nifrət dolu çıxışlar yaymışdı. Bu şəxsin LGBT-ni təmsil edənlərə niyə hücum etməsinə aydınlıq gətirilməli, buna  hüquqi qiymət verilməlidir. O, qadınlara hücum edib, hətta irqçi bəyanatlar da verir”.

Tural