Qərbin daha bir yalanı ifşa olundu

Qərb hər vasitə ilə ağa qara deməkdə israrlıdır. Çünki, Qərbin eqosu var. Onlar özlərindən başqa heç kim haqqında müsbət fikir eşitmək və demək istəmirlər. Necə ki, hər zaman ölkəmiz haqqında təxribat dolu fikirlər səsləndirirlər. Bax, Qərbə bu yolda daha bir tutarlı sübut. Azərbaycanı qərəzli şəkildə “petrostate” kimi təqdim etməyə çalışanlar üçün deyək ki, bu ilin ilk 10 ayında Azərbaycanda yaşıl enerji istehsalı 80 faiz artıb.

Mövzu ilə bağlı News365.az–a danışan millət vəkili Vüqar Bayramov deyib ki, bu dövrdə yaşıl enerji mənbələri üzrə elektrik enerjisi istehsalı ötən ilin müvafiq dövrünə nisbətən 1 495,0 mln. kVt·st artaraq 3 315,3 mln. kVt·st təşkil edib. Külək elektrik stansiyalarında 44,8 mln. kVt·st, günəş elektrik stansiyalarında isə 515,3 mln. kVt·st enerji istehsal edilib:

“Hədəflər də ölçülə bilən və realdır. 2030-cu ildək Azərbaycanda ümumi enerji istehlakında yaşıl enerjinin payının 35 faizə çatdırılması və karbon emissiyasının 40 faiz azaldılması nəzərdə tutulur. Son illər alternativ mənbələrdən enerji istehsalına 1 milyard dollardan çox sərmayə cəlb edən Azərbaycan 2026-cı ildən sonra Avropaya yaşıl enerji ixrac etməyi hədəfləyir”.

News365.az