“Problemlər böyüyür, biz isə mübarizəni gücləndiririk” - CHP Başçısı

Türkiyə Cümhuriyyət Xalq Partiyası (CHP) Başçısı Özgür Özel, MHP lideri Devlet Bahçeli’nin CHP üzvlərinə yönəltdiyi sərt ifadələrə cavab verib.

News365.az xəbər verir ki, Özel, yeni qanunverici ilin ilk qrup iclasında çıxış edərək ölkədəki vəziyyətə dair fikirlərini bölüşüb.

O bildirib ki, 70 günlük fasilədən sonra yenidən Parlamentdədirlər və bu müddət ərzində ölkədəki problemlər azalmayıb, əksinə artıb. Özelin sözlərinə görə, Türkiyə hələ də demokratiya, ədalət və iqtisadi böhranlarla üzləşir.

Başçı həmçinin yaz boyunca 81 vilayətdə fəaliyyət göstərdiklərini, problemləri olanların yanına gedərək onların səsini dinlədiklərini vurğulayıb. Özel qeyd edib ki, partiyaya yönələn hücumlara qarşı birlik nümayiş etdiriblər.

Özel çıxışında həmçinin bildirib ki, 70 gündə 20 böyük aksiya keçiriblər və 19 martdan sonra 60-cı aksiyaları üçün yenidən İstanbula gedəcəklər:

“Biz xalqdan aldığımız güclə meydanları doldurarkən, bizimlə siyasi rəqabət apara bilməyənlər hücumlarını davam etdirirlər.”

News365.az