Peskov: "Münasibətlərin normallaşması üçün sanksiyalar dayandırılmalıdır"
Dünya
14:10
Moskva ilə Vaşinqton arasında ikitərəfli münasibətlərin normallaşması digər məsələlərlə yanaşı, anti-Rusiya sanksiyalarının ləğvini tələb edir. Bunu Rusiya prezidentinin mətbuat katibi Dmitri Peskov briffinq zamanı deyib.
O qeyd edib ki, Rusiya rəhbərliyi əvvəllər olduğu kimi indi də Qərbin sanksiyalarını qanunsuz hesab edir.
“Əlbəttə, əgər biz ikitərəfli münasibətlərin normallaşdırılmasından danışırıqsa, o zaman onları bu mənfi qondarma sanksiyalar yükündən azad etmək lazımdır”, - Kreml nümayəndəsi vurğulayıb.
Bununla belə o əlavə edib ki, Moskva hələ də sanksiyaların mümkün ləğvi ilə bağlı Vaşinqtondan heç bir rəsmi açıqlama eşitməyib.
Tural
