Oqtay Kaziminin oğlu Kəmalə Günəşlini niyə təhqir edir?- VİDEO

Son günlər ən çox müzakirə olunan Kəmalə Günəşli yenidən diqqət mərkəzinə düşüb. İfaçı Oqtay Kaziminin yaradıcılığına müraciət edib. Və illərin xiti sayılan “Eşqimə şahid zaman” mahnısını ifa edib.

Lakin Oqtay Kazıminin oğlu Elçin Kazımi Kəmalə Günəşlinin ifasına etiraz edib. Bildirib ki, “toy müğənnisinin bu mahnını ifa etməsi doğru deyil”.

Təbii ki,  Elçin Kaziminin fikirləri birmənalı qarşılanmayıb. Çünki ifaçıları təsnifatlaşdırmaq doğru deyil. Üstəlik bu gün toya getməyən müğənni yoxdur. Hətta opera ifaçıları da toylara gedir. Ona görə də “Toy müğənnisi” yanlış ifadədir.

Digər tərəfdən Kəmalə Günəşli çoxları ilə müqayisədə mahnını yaxşı ifa edib. Və qısa zamanda populyarlıq qazanıb. Ədalət naminə deməliyik ki, ifaçı mahnıya peşəkarçasına yanaşıb.

Bununla bərabər bəstəkarın oğlunun etirazı başa düşülmür.Əgər Elçin Kazimi atasının mahnılarının kimlər tərəfindənsə ifa edilməsini istəmirsə bunu açıq şəkildə deməlidir. Çünki müəllif hüququ deyilən bir şey var. Bu hüquqdan istifadə edərək Elçin bəy kimlərəsə atasının mahnısını ifadə etməyə qadağa qoya bilər. Amma hansısa ifaçını aşağılamaq, sortlaşdırmaq heç bir etiket qaydalarına sığmır.

Bu olsa-olsa həmin adamın gündəm yaratmaq istəyidir. Vəssəlam!

O ki, qaldı Kəmalə Günəşliyə... Deməliyik ki, onun kifayət qədər gözəl səsi var. Vaxtilə o gözəl muğam ifaçısı idi. Mirələm Mirələmov və digər muğam ifaçıları ilə duet oxuyurdu. Amma sonradan Kəmalə Günəşli pop musiqiyə keçdi.

Və çox qısa zamanda populyarlıq qazandı. Doğrudur onun rəqsləri, efir davranışları müəyyən müzakirələrə səbəb oldu.Amma bu “novatorluq” onu geniş auditoriyada tanıtdı. Və bu gün ən çox toy sifarişi alan ifaçılardan biri də məhz Kəmalə Günəşlidir.

Bu mənada müğnniyə ifasına görə yox, çıxış etdiyi auditoriyaya görə aşağılamaq doğru deyil. Üstəlik toyları hədəf alaraq...

Xatırladaq ki, tarix boyu sənətkarlar özlərini el şənliklərində, toylarda təsdiqləyib, sübut edib və şöhrət qazanıblar.

 News365.a