Bakıda yeni səfirlik binası tikiləcək

Türkmənistanın İnşaat və Memarlıq Nazirliyi Azərbaycanın paytaxtı Bakıda öz səfirliyinin yeni inzibati binasının inşası məqsədilə beynəlxalq müsabiqə elan edib.

News365.az xəbər verir ki, bu barədə Türkmənistan mətbuatında məlumat verilib.

Qeyd olunur ki, maraqlı tərəflərin iştirak üçün müraciətləri və təklifləri nazirliyin Marketinq və Xarici İqtisadi Əlaqələr İdarəsi tərəfindən müvafiq qaydada qəbul olunaraq qeydiyyata alınır. Sənədlərin qəbulu prosesi avqustun 19-na qədər davam edəcək.